Жаңы төрөлгөн
Балдар бакчасына даярдык
Бала бакчасы баланын өсүшүндөгү маанилүү бөлүгү. Алдын ала эмне жөнүндө ойлонуш керек? бул тууралуу ойлонуу үчүн 4 ай өтө эрте мөөнөттөй сезилиши мүмкүн, бирок тынчыраак процесс үчүн айрым нерселерди азыртан ойлонгон оӊ.
Бала бакчадан бала энесиз каларына баланы кантип даярдаш керек?
Бир жарым жашында эле бала бакчага өтүнмөнү тариздеп коюш керек, бирок жигердүү даярдыкты 6-7 ай мурун бир топ эрте баштоо зарыл. Мында бул мөөнөт бала жана энеси үчүн жеӊилирээк жана жайлуу өтөт.
- Күндүн режимин бала бакчанын режимине максималдык окшоштуруп, көнүктүргүлө. Эртеӊ мененки саат 7 де туруу Саат 8 де эртеӊ мененки тамак Саат 11 ге чейин сейилдөө Түштөнүү учуру: саат 12 де Күндүзгү уйку саат 13 төн 15 ке чейин Саат 21ге чейин уктаганга жатыш керек Дем алыш күндөрү да режимди кармануу зарыл.
- Баланын өзүнө кам көргөнгө үйрөтүӊүз жана муну жасоого бардык аракетин өбөлгөлөӊүз. Бала үчүн бардыгын өзүӊүз жасаганга чуркабаӊыз, «кантип жасаш керекти сага көрсөтөйүн» деп, жардам бериӊиз.
- Ар күнкү сейилдөөнү унутпаӊыз. Баланын иммунитетин бала бакчага даярдоо үчүн, күнүгө балдар аянтчасында жок дегенде 3-4 саат сейилдеӊиздер. Аба ырайына жараша кийиниӊиздер жана башка балдар менен сүйлөшүүсүн өбөлгөлөӊүздөр. Бул баланын уйкусуна да жакшы таасир этет.
- Баланы бөтөн адам менен калтыргандан коркпоӊуз. Албетте бул көчөдөгү эла адам болбошу керек, бирок аны балаӊыз такыр көрбөгөн курбуӊуз, же кесиптешиӊиз болушу мүмкүн. 15-20 мүнөт жетиштүү болот – дайыма сөзүӊүзгө туруӊуз жана убада берген убакытыӊыздан ашык жанынан кетпеӊиз. Балага балдар бакчасы жөнүндө айтып бериӊиз.
- Бала бакчага балаӊыз менен бирге экскурсияга барыӊыз.
- Эртеӊ мененкисин зарядка жасай баштаӊыздар
- Бала өзү дагы кийе ала тургандай ыӊгайлуу кийим сатып алыӊыздар. Шымы ычкыр менен болсун, свитеринин моюн тарабын кенен, колготки жагымдуу кездемеден болсун.
- Бала бакчага барар акыркы жумада медициналык комиссиядан өтүӊүздөр
- Күндүн режимин киргизиӊиз жана аны карманыӊыздар
- Баланы толук кандуу жана ар түрдүү тамактар менен тамактандырыӊыз
- Ар күнү жеӊил көнүгүү жасаганга көнүӊүздөр
- Башка балдар менен бирге көбүрөөк таза абада сейилдеӊиздер
- Баланын уйкусу, аны менен бирге күндүзгү да уйкусу жакшы болуусун камсыз кылуу керек
- Жана алды менен: токтоо болуӊуз. Бактылуу ата-эне – бактылуу жана дени сак баланын кепилдиги. Эгер баланы бала бакчага жеӊил коё берсеӊиз, бала да ошондой аз чыргоолонот, ошондой эле дайыма суук тие берүүнүн мүмкүндүгү төмөндөйт, себеби бала тез эле үйгө кетүүгө умтулбай калат, тескерисинче, ал жакта убакытты көӊүлдүү жана кубаныч менен өткөрөт.
